Bukod sa mga kinagiliwan noong “Gulong ng Palad” ni Linaflor Trinidad, “Ilaw ng Tahanan” ni Li-wayway A. Arceo, at “Aklat ng Pag-ibig” ng inyong lingkod, naisip ng ilang tagapagtaguyd ang pagsasadula sa himpapawid ng mga akdang nagbabatay sa mga salawikaing Pilipino. Iyon ang nagluwal sa Ang Inyong Lingkod, Gloria Romero.

Pinili namin ang mga salawikaing naglalaman ng mga karaniwang talimsik o pilosopiya ng ating mga karaniwang tao. Humabi kaming maiikling dulang panghimpapawid na nagpapalutang sa mga naturang salawikain.

Napagpasyahan na anyayahang manguna sa palabas si Gloria Romero. Nang panahong iyon, itinatanghal na pangunahing bituin ng puting-tabing si Gloria Romero hindi lamang sa angkin niyang kagandahan at katalinuhan kundi dahil din sa walang-kabatik-batik niyang pangalan sa publiko at pribado niyang buhay.

—G. E. M.