Íslenska útgáfan

Style ADELEWEATER er prjónauppskrift.

Uppskriftin er send á netfang sem gefið er upp og í PDF formi sem hægt er að hlaða niður.

Í uppskriftinni er að finna 8 mismunandi mynstur : Flame, Groovie, Zebra, Leopard, Snake, Tattoo, Giraffe & Tribal

Stærðartafla

Stærðir (cm): XS (S) M (L) XL (XXL) 3XL

Brjóstmál: 96 (101) 107 (115) 119 (122) 127

Ermalengd að handvegi: 44 (47) 48 (49) 50 (50) 50

Málin eru tekin af peysunni eftir að hún hefur verið þvegin. Peysan er hönnuð með jákvæðri yfirvídd eða, u.þ.b. 10–15 cm í minni stærðum, en smám saman minna í stærri stærðum.

Efni

Organic Merino DK frá Thelma Steimann. Garnið er 100% lífræn merínóull, u.þ.b. 225 m/100 g í hverri hespu. Frábærlega mjúkt og þægilegt garn til að prjóna úr.

L1: 3 (3) 4 (4) 4 (5) 5

L2: 1 (1) 1 (1) 1 (1) 1

Prjónar & áhöld

Hringprjónar 4 mm (40/60/80 cm)

Hringprjónar 3,5 mm (40/60 cm) fyrir stroff og hálsmál

5 stk sokkaprjónar 3,5

Nál  til að ganga frá endum

10 prjónamerki

Prjóna snúru eða auka garn til að geyma lykkjur.

Prjónfesta

Mundu að athuga prjónfestuna með því að prjóna prufu áður en þú byrjar. Prjónfesta: 21 L og 29 Umf á hæð í sléttu prjóni með 4 mm prjónum = 10 × 10 cm. Allir prjóna með mismunandi spennu, svo:Ef prjónfestan er of þétt og prufan mælist of lítil, skiptu yfir í stærri prjóna. Ef prjónfestan er of laus og prufan mælist of víð, skiptu yfir í minni prjóna. Sjá leiðbeiningar um mynstrið í Gott að hafa í huga.

Gott að hafa í huga

Peysan er prjónuð ofan frá og niður og að mestu leyti í hring. Hálsmálið er prjónað fram og til baka, síðan lokað að framan og prjónað í hring þaðan. Ermarnar eru aðskildar frá bolnum. Hálsmálið er prjónað með því að taka upp lykkjur í kringum opið og prjóna stroff með möguleika á mynstri. Hálsmálið er brotið til að mynda tvöfalt stroff og er saumað niður á röngunni.

Mynstrið á ermum er prjónað með tveimur litum í einu. Sumir eiga erfitt með að halda réttri prjónfestu  þegar prjónað er með tveimur böndum samtímis. Ef þú átt í vandræðum með mynstrið, skiptu yfir í stærri prjóna fyrir ermarnar, 4,5 mm gæti hentað.

Það er mjög mikilvægt að nota handlitað garn í mynstrið, það gefur prjóninum meiri dýpt og líf og setur punktinn yfir i-ið. Fyrir aðal litinn mæli ég með að skipta á milli tveggja hespa til að liturinn blandist jafnara. Þegar þú prjónar úr tveimur hespum skiptir þú einfaldlega um hespu í hverri annarri Umf. Hér er gott dæmi ef þú þekkir ekki aðferðina:

https://youtu.be/dVsN8qJ3ZD8?si=aV8DcUSPInbA0IjY